Måneskinn er ein avdeling med 25 barn i alderen 2-6 år. Me er pr.i dag 5 voksne tilknytta avdelinga. I og med at me har eit så stort alderspenn i gruppa vert det viktig å dele opp i mindre aldersadekvate grupper. Små leikegrupper der me har mogelegheit for å sjå det enkelte barnet er viktig for oss. Me har stort fokus på trivsel, vennskap, leik og læring på vår avdeling. 

Friluftsliv er ein stor del av kvardagen vår på Måneskinn. Me likar oss veldig godt på tur, og brukar nærområdet vårt flittig. Lunsjen på tur vert variert mellom niste, mat på bål eller stormkjøkken. Sist barnehageår hadde me som vår oppgåve å utvikle "Trollskogen" til å bli ein spanande tumleplass for både barnehagebarn og andre i bygda vår. Dette er eit skogsområde som ligg i den nye lysløypa ved idrettsbanen. Me kjem til å fortsetja med prosjektet også dette barnehageåret.